Կենսաքիմիական հետազոտություններ
Կենսաքիմիական (բիոքիմիական) հետազոտությունները թերևս ամենալայն կիրառությունն ստացած լաբորատոր թեստերից են:
Սա բոլորին հայտնի արյան պլազմայում կամ մեզում գլուկոզի մակարդակի չափումն է, աթերոսկլերոզի ռիսկի գործոն հանդիսացող խոլեսթերինն իր ֆրակցիաներով, լյարդային սուբստրատների ու ֆերմենտների ակտիվության որոշումը, մնացորդային ազոտի որոշումը և այլն:
Մեր կենտրոնում իրականացվում են արյան պլազմայի, շիճուկի և մեզի ավելի քան երկու տասնյակ տեսակի բիոքիմիական հետազոտություններ:
Կենսաքիմիական հետազոտությունների ցուցումները թերևս դժվար լինի թվարկելը. ցանկը կլինի խիստ երկար: Դրանք համարվում են այսպես կոչված «երկրորդ գծի» հետազոտություններ, որոնց բուժող բժիշկները դիմում են ի լրումն արյան և մեզի ընդհանուր կլինիկական հետազոտությունների:
Կենսաքիմական ցուցանիշները
- Արյան լիպիդներ (խոլեսթերին, տրիգլիցերիդներ և խոլեսթերինի ֆրակցիաներ)
- Դիաբետիկ մարկերներ (գլյուկոզ, գլիկոզիլացված հեմոգլոբին)
- Սպիտակուցներ (ընդհանուր սպիտակուց, ալբումին և միկրոալբումինը մեզում)
- Պիգմենտներ (ընդհանուր և ուղղակի բիլիռուբիններ)
- Ֆերմենտներ (ԱԼՏ, ԱՍՏ, ԳԳՏ, ՀՖ, ամիլազ, ԼԴՀ և այլն)
- Ազոտային նյութեր (միզանյութ, կրեատինին, միզաթթու)
- Արյան էլեկտրոլիտներ և միկրոտարրեր (Na+, K+, Ca++, ընդհանուր կալցիում, երկաթ, մագնեզիում և այլն)
- Արյան մակարդելիության ցուցանիշներ (պրոթրոմբին, թրոմբոպլաստինային ժամանակ, թրոմբինային ժամանակ, ֆիբրինոգեն, դ-դիմեր)
- Վիտամիններ (վիտամին B12, ֆոլաթթու, վիտամին D)
Մենք մշակել ենք լաբորատոր ցուցանիշների առցանց շտեմարան, որը կօգնի Ձեզ հասկանալու յուրաքանչյուր լաբորատոր թեստի էությունը և ստացված արդյունքների նշանակությունը:
Հաճախակի տրվող հարցեր
- Երակային, թե՞ մազանոթային (մատից) արյուն է հանձնվում:
Մեր լաբորատորիայում արյան կենսաքիմիական հետազոտության համար վերցվում է երակային արյուն:
- Անվտա՞նգ է արդյոք երակային արյան հանձնումը:
Գործնականում, վենեպունկցիան (ասեղով երակի լուսանցքը ծակելը) և երակային արյան նմուշառումը անվտանգ են: ԱԸՀ համար անհրաժեշտ է հանձնել չնչին քանակի՝ 3-5 մլ երակային արյուն: Սա բնավ չի կարելի համարել արյան կորուստ, ուստի և չի կարող հանգեցնել արյան պակասի: Մեր կենտրոնում արյան նմուշառման բոլոր պարագաները մեկանգամյա օգտագործման են (ասեղներ, փորձանոթներ և այլն): Ձեզնից երակային արյուն կվերցնի հմուտ ու փորձառու բուժքույրը:
- Ի՞նչ սարքերով են կատարվում կենսաքիմիական հետազոտությունները:
Մեր կենտրոնում կենսաքիմիական հետազոտությունը կատարվում են երկու վերլուծիչներով՝ Roche® Diagnostics Cobas® c111 և Mindray® BS-120:
- Հավաստի՞ են արդյոք լաբորատոր հետազոտության արդյունքները:
Մենք երաշխավորում ենք մեր կենտրոնում իրականացված լաբորատոր հետազոտությունների պատասխանների ճշգրիտ լինելը:
- Ե՞րբ կարող եմ ստանալ լաբորատոր հետազոտության արդյունքները:
Կենսաքիմիական հետազոտության պատասխանները տրամադրվում են հետազոտության օրը:
- Կարո՞ղ եմ արդյոք լաբորատոր արդյունքները ստանալ էլ. փոստով:
Այո, ըստ այցելուի ցանկության մենք ուղարկում ենք լաբորատոր հետազոտությունների պատասխանները նաև էլեկտրոնային միջոցներով: