Մեզի ընդհանուր հետազոտություն
Բոլորին հայտնի է, որ մեզի ընդհանուր հետազոտության արդյունքներն ունեն կլինիկական մեծ նշանակություն: Սակայն գուցե ոչ բոլորն են տեղյակ, որ մեզի լաբորատոր ցուցանիշները կարևոր տեղեկություններ են տրամադրում ոչ միայն միզասեռական, այլ ամբողջ օրգանիզմի գործունեության մասին:
Օրինակ, մեզում գլյուկոզը կարող է հայտնվել շաքարային դիաբետի դեպքում կամ երիկամների ծանր ախտահարման ժամանակ: Որոշ ցուցանիշների համար մեզի ընդհանուր հետազոտությունը տրամադրում է ոչ միայն որակական (մեզում առկա է/բացակայում է), այլև քանակական տվյալներ (օրինակ, մեզի թթվայնությունը, նույն՝ մեզում գլյուկոզը կամ բիլիռուբինը):
Մեզի ընդհանուր սքրինինգն այսօր շարունակվում է մնալ որպես ամենահաճախ նշանակվող հետազոտություններից մեկը։
Մեզի սքրինինգի և միկրոսկոպիայի ցուցանիշները
- մեզի տեսակարար կշիռ
- մեզի թթվահիմնային վիճակ կամ մեզի ռեակցիա (pH)
- մեզում լեյկոցիտներ
- մեզում նիտրիտներ
- մեզում սպիտակուց (պրոտեին)
- մեզում գլյուկոզ
- մեզում կետոնններ (ացետոն)
- մեզում բիլիռուբին
- մեզում ուրոբիլռուբին
- մեզում էրիթրոցիտներ
- մեզում գլանակներ
- մեզում էպիթելիալ բջիջներ
- մեզում բյուրեղներ կամ աղեր
- մեզում որոշ միկրոօրգանիզմների հայտնաբերում
Մենք մշակել ենք լաբորատոր ցուցանիշների առցանց շտեմարան, որը կօգնի Ձեզ հասկանալու յուրաքանչյուր լաբորատոր թեստի էությունը և ստացված արդյունքների նշանակությունը:
Հաճախակի տրվող հարցեր
- Առավոտյա՞ն, թե՞ երեկոյան մեզն է ենթակա հետազոտման:
Մեզի ընդհանուր հետազոտության համար պիտանի է միայն առավոտյան մեզը, որը պետք է վերցնել միայն միանգամյա օգտագործման տարայով: Խնդրում ենք ուշադրությամբ ծանոթանալ մեզի նմուշը հանձնելու մյուս կարևոր կանոններին:
- Ի՞նչ սարքով է իրականացվում մեզի ընդհանուր հետազոտությունը:
Մեր կենտրոնում մեզի ընդհանուր հետազոտությունը կատարվում է ինչպես Roche Urisys 1100® սարքով, այնպես էլ, ըստ անհրաժեշտության, մեզի նստվածքի մանրադիտակային զննմամբ:
- Ի՞նչ սարքով է իրականացվում ԱԸՀ:
Մեր կենտրոնում արյան ընդհանուր հետազոտությունը կատարվում է ինչպես Mindray® BC-2300 Hematology Analyzer սարքով, այնպես էլ, ըստ անհրաժեշտության, մանրադիտակային զննմամբ:
- Հավաստի՞ են արդյոք լաբորատոր հետազոտության արդյունքները:
Մենք երաշխավորում ենք մեր կենտրոնում իրականացված լաբորատոր հետազոտությունների պատասխանների ճշգրիտ լինելը:
- Ե՞րբ կարող եմ ստանալ մեզի լաբորատոր հետազոտության արդյունքները:
Մեզի բոլոր տեսակի հետազոտությունների պատասխանը տրամադրվում է հետազոտության օրը:
- Կարո՞ղ եմ արդյոք լաբորատոր արդյունքները ստանալ էլ. փոստով:
Այո, ըստ այցելուի ցանկության մենք ուղարկում ենք լաբորատոր հետազոտությունների պատասխանները նաև էլեկտրոնային միջոցներով: