Չզեղչված գինը՝ 6000 դրամ
Ի՞նչ է մարդու խորիոնային գոնադոտրոպինը
Մարդու խորիոնային գոնադոտրոպինը (HCG) հղիության սպեցիֆիկ հորմոն է:
HCG-ի մակարդակը բեղմնավորվելուց հետո արդեն 6-8-րդ օրերին թույլ է տալիս հայտնաբերել հղիությունը (HCG-ի մակարդակը մեզում հասնում է ախտորոշիչ մակարդակի 1-2 օր ավելի ուշ, քան արյան շիճուկում):
Հղիության առաջին եռամսյակում HCG-ը ապահովում է պրոգեստերոնի (PROG) և էստրոգենների արտադրությունը, որոնք անհրաժեշտ են ձվարանի դեղին մարմնի կողմից հղիության պահպանման կողմից:
HCG-ի մակարդակի նվազեցումը կարող է վկայել սպառնացող վիժման դեպքում արտաարգանդային հղիության մասին: Այլ թեստերի հետ (ալֆա-ֆետոպրոտեին՝ AFP և ազատ էստրադիոլ՝ E3-F) HCG-ի մակարդակի որոշումը կիրառվում է պտղի զարգացման շեղումների ռիսկի պրենատալ գնահատման մեջ (հղիության 15-20-րդ շաբաթականների ընթացքում՝ այսպես կողչված 2-րդ եռամսյակի եռակի թեստ):
Հղիությունից բացի, HCG-ի թեստը նաև նշանակվում է որպես օնկոմարկեր՝ տղամարդկանց մոտ ամորձիների գերմինատիվ բջիջների և տրոֆոբլաստիկ հյուսվածքների և սերմնաբշտերի HCG-ակտիվ ուռուցքների ախտորոշման ժամանակ:
Ցուցումներ
Կանայք
- դաշտանի բացակայություն (ամենորեա)
- հղիության վաղ ախտորոշում
- արտաարգանդային հղիության կասկած
- հղիության վիրահատական ընդհատման լիարժեքության գնահատում
- հղիության ընթացքի դինամիկ հսկողություն
- հղիության ընդհատման կասկած
- տրոֆոբլաստիկ հիվանդությունների ախտորոշում՝ խորիոնէպիթելոմաներ և այլն
- տրոֆոբլաստիկ հիվանդությունների ընթացքի դինամիկ հսկողություն
- նախածննդյան (պրենատալ) ախտորոշում` հղիության երկրորդ տրիմեստրի եռակի թեստ, AFP-ի և E3-F–ի հետ միասին
Տղամարդիկ
- ամորձիների ուռուցքների տարբերակիչ ախտորոշում
Կենսանմուշ
HCG-T թեսթի համար հանձնվող կենսանմուշն է՝ երակային արյուն։
Իմացե՛ք ավելին HCG-T թեստի մասին: