Պրոգեստերոն (PROG)

Ի՞նչ է պրոգեստերոնը

Պրոգեստերոնը (PROG) ձվարանների դեղին մարմնի կողմից արտադրվող ստերոիդ հորմոն է, որը կարևոր նշանակություն ունի հղիության բոլոր փուլերի ընթացքում:

Պրոգեստերոնի մակարդակը կոռելացվում է դեղին մարմնի զարգացման և հետաճման հետ: Եթե դաշտանային ցիկլի ֆոլիկուլյար փուլում պրոգեստերոնի առկայությունը հազիվ է հայտնաբերվում, ձվազատումից (օվուլյացիայից) մեկ օր առաջ այն սկսում է աճել: Պրոգեստերոնի ուժեղացած արտադրությունը բնորոշ է լյուտեալ փուլին: Դաշտանային ցիկլի երկրորդ կեսին կնոջ մեզում հայտնվում է պրեգնանդիոլը՝ որպես պրոգեստերոնի քայքայման արգասիք:

Ցուցումներ

• դաշտանային ցիկլի խանգարման պատճառների հայտնաբերում, այդ թվում՝ դաշտանի բացակայության (ամենորեայի) տարբեր տեսակների տարբերակիչ ախտորոշում
• անպտղության պատճառների հայտնաբերում
• դիսֆունկցիոնալ արգանդային արյունահոսության պատճառների հայտնաբերում
• հղիության երկրորդ կեսում ընկերքի վիճակի գնահատում
• իսկական անհաջող հղիության տարբերակիչ ախտորոշում

Կենսանմուշ

PROG  թեսթի համար հանձնվող կենսանմուշն է՝ երակային արյուն։

Իմացե՛ք ավելին PROG թեստի մասին: